Ağdam rayonunda Ağdam Rayon İcra Hakimiyyətinin təşəbbüsü ilə Beynəlxalq Qızıl Xaç Komitəsi tərəfindən tikilmiş kitabxananın açılış mərasimi olub.

“Qarabaginfo.com” xəbər verir ki, 18 avqust 2022-ci il tarixində Ağdam rayonunun Sarıcalı kəndində Ağdam Rayon İcra Hakimiyyətinin təşəbbüsü ilə Beynəlxalq Qızıl Xaç Komitəsinin Təhsil proqramı layihəsi əsasında tikilən kitabxananın açılış mərasimi olub. Mərasimdə Ağdam Rayon İcra Hakimiyyətinin başçısı Vaqif Həsənov, Qarabağ Regional Təhsil idarəsinin Ağdam rayon sektorunun müdiri Tahir Abbasov, Beynəlxalq Qızıl Xaç Komitəsinin Təhsil proqramı üzrə koordinatoru Karla Huver, Beynəlxalq Qızıl Xaç Komitəsinin Bərdə alt nümayəndəliyinin rəhbərinin müşaviri Xudaverdi Rzayev, Beynəlxalq Qızıl Xaç Komitəsinin Təhsil proqramının mütəxəssisi Gülnara Həsənova,Təhsil proqramının yerli nümayəndələri, kitabsevərlər və ictimaiyyət nümayəndələri iştirak etmişlər. Tədbirdə çıxış edən Rayon İcra Hakimiyyətinin başçısı Vaqif Həsənov kitabxananın ərsəyə gəlməsində əməyi olan hər bir kəsə öz təşəkkürünü bildirmiş və qeyd etmişdir ki, həmin kitabxananın kitab fondu ərazidə yaşayan əhalinin maarifləndirilməsində mühüm rol oynayacaqdır.