Ramin Bəhmən tərəfindən
07 noyabr 2023 20:02 tarixində paylaşıldı.
Xankəndi şəhər stadionunda davam edən təmir-bərpa işləri artıq sürətləndirilib. Sosial şəbəkələrdə yayılan videolarda stadiondakı skamyaların sökülməsini və digər təmir işlərinin aparılmasını mütəmadi olaraq diqqətinizə çatdırırıq. Hazırda da arenada çalışmalar davam edir və işlərin ən qısa zamanda yekunlaşması nəzərdə tutulub.
Çalışmaların fasiləsiz davam etməsinin xüsusi səbəbi var. Belə ki, ilin sonuna qədər “Qarabağ”ın Premyer Liqadakı ev oyunlarının birini Xankədidə keçirməsi nəzərdə tutulub.
Əldə etdiyimiz məlumata görə, Ağdam təmsilçisi 2023-cü ilin son görüşünü Xankəndidə oynayacaq. Bu, Premyer Liqanın 18-ci turuna təsadüf edir.
Həmin tur “Köhlən atlar” səfərdə “Zirə” ilə qarşılaşmalı olsa da, Peşəkər Futbol Liqası təqvimdə dəyişiklik edəcək. “Qarabağ” – “Zirə” matçı Ağdam klubunun ev sahibliyi ilə Xankəndi şəhərində baş tutacaq.
Bu görüşün dekabrın 22-24 tarixləri aralığında keçirilməsi nəzərdə tutulub.
AğdamTv.info saytı Ağdam Tv MMC daxilində fəaliyyət göstərən informasiya agentliyidir. Ağdam Tv MMC 2021-ci il May ayının 24-də yaradılmış media şirkətidir. AgdamTv.info İnformasiya Agentliyi olaraq məqsədimiz Azərbaycan Media sahəsində öz dəsti xəttimizi yaratmaqdır. Qarabağda və Regionda baş verən hadisələri dəqiq, qərəzsiz çatdırmaq əsas prioritetimizdir.